شعر حزين جدا

من طرف الفرعون المصرى 27.09.09 14:48

السلام عليكم ورحمة الله وبركاته

اللهم صلي على محمد وعلى آله محمد

قرأت هذه القصيده فأعجبتني بحزنها

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى من الليصحيني

فداك القلب ياحبيبي ومهما قلت من كلمات

صغيره في كبر حقك بس اتمنى تعذرني

نهبت الفرح من بيتي صحيح اني خسيسة ذات

صحيح اني بنت طايشه وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتني بدون حساب ولا سمعتك تقولي هات

وانا اشرب حيل من دمك ودمك ما يكفيني

ياحبيبي ارجعلي كافي ابجلس معك لو لحظات

واقبل ايدك ورجلك وافرش لك رمش عيني

ياحبيبي ما تحملهم يقولوا فات ما قد مات

تعال غير هالقول واطيعك باقي سنيني

واصلي الفجر في المسجد قبل منت تصحيني

ياحبيبي ارجعلي تكفى وطف شمعة الآهات

ابيك انت ولا غيرك على موتك تعزيني

وضمني وداويني مثل ما كانت الهقوات

ما ابي احدن يواسيني ابيك انت تواسيني

دخيلك بس لا تبكي اذا شفت بي الدمعات

انا مقوى ابكيك اذا انت تبكيني

شعر حزين جدا B8

من طرف **mr.vires** 29.09.09 8:00

Hitskin.com

شعر حزين جدا

شعر حزين جدا

رد: شعر حزين جدا